Laudazio

in Mundart

erstellt im Jubiläumsjohr 2016

Es wor emol vor 125 Johr, do wo die Leit noch koa Handy un koa Open Office hatte,

sondern noch Kieh im Stall un es Gemies aus em eigne Gadde,

wo mer noch alle Stunn Feier gescheert,

in Kanoneofe un in Kouleherd.

Do wo mer noch gonz selten die gud Stubb benutzt,

in de Weschkich gesotze un die Käil gebutzt,

wo`s noch kaum a Audo gab,

die meiste hatte noch nit emol a Rad.

Domols hot mer noch nit fer en Marathon trainiert,

sondern is sunntogs owends los maschiert,

um montogs moinds in Fronkfort uff seune Ärwett zu soi,

de Proviant hat mer im Rucksack dreu !

Es Mähl gabs aus Dudde, die Hering aus em Fass,

es Spielwasser un onner Brieh, lief uff die Gass.

De alte Kaiser Wilhelm hat es Regiment,

es gab koa Ferz un neimodische Trend.

Die Leit musste sich noch selwer unnerhalde,

konnte noch koan Fernseh euschalde,

die Fraue musste Haus und Kinner betreue

 die Männer konnte sich ab un zu in de Wertschaft erfreue,

bei em Gläsje Woi un em Gläsje Bier wurd monch Lied gesunge

un do debei is unsern Gesongsvereun entsprunge.

die vier Gründer worn,

de Bäcker Kleun, de Feschter Schaah, de Bolizeidiener Kolb un de Ohle Nikelaa,

sieht mer owwe uff em Bild, als de Verein 60 Jahr.

Uff em onnern Bild, all die domols mitgemacht,

ihr seht,

sie hawwes domols zu em stattliche Männerchor gebracht.